نذاكر !!!!كلمه كلنا بنسترخمها وخلاص مبقيناش نطيقها
طب ليه ؟
ده لاننا مش بنذاكر صح
او اننا كارهيين اللى بنذاكره
طب و الحل
يا ترى نستنى اما يغيروا المناهج و يجيبولنا حاجه بنحبها
لو عملت كده يبقى هتستنى كتير جدا جدا
طب هنعمل ايه غير كده
مفيش غير اننا نحب المناهج بتاعتنا
هنقول طبعا و هى دى مناهج تتحب !!
انا بقول ممكن
بس ده معتمد على طريقه مذاكرتك و هدفها
يعنى لو بنذاكر عشان نمتحن و خلاص
يبقى استحاله تحبها
و خلينا نكون صادقيين مع نفسنا
مين منا مبيذاكرش عشان الامتحان ؟!
تعالوا تجرب حاجه جديدة
قبل ما تذاكر اسئل نفسك بتذاكر ليه
الماده دى هتستفاد منها ايه فى حياتك
لو عربى يبقى عشان أقرأ قراءن صح
عشان اقدر اكتب صح
و هكذا
زيه لو بتدرس تاريخ
انت بتدرس تاريخ عشان تعرف
عشان تبقى مثقف
و حاول تربط بين اللى بتدرسه مع تاريخنا الحالى و دور على الفرق
مش يمكن تقدر تصلح حاجه
الرياضيات , اعتبر ان كل مسئله بتحلها هى تحدى ليك
ممكن تقابل مواد فى الطريق انت اما تسئل نفسك هستفاد منها ايه
مش هتلاقى اجابه
لو ملقيتش اجابه , اخترع انت اجابه
وظفها فى اى حاجه فى حياتك
حاول متذاكرش عشان الامتحان
ذاكر عشانك انت .
|
