كائـــــن: التعليم ...الحلقة الاولى

بسم الله الرحمن الرحيم
كما وعدتكم بحلقات عن التعليم , انظر بها على التعليم و أحواله و أحاول وضع حلول بسيطة ربما ليست مقامة على اسس علمية ولا أعلم إن كان من الممكن تنفذيها أم لا
و لكنها محاولة .

و نبدء بالحلقة الاولى

المفترض أن كلمة طالب مشتقة من الفعل طلب أى أننا نطلب العلم (يا حلاوه يا حلاوه

)
المهم , فى مصر غير كده , معظمنا و انا منهم دخلنا المدارس مش عشان نطلب العلم
طب دخلنا ليه تقدر تقول أى سبب غير طلب العلم , ممكن عشان اهلنا دخلونا او عشان الناس كلها بتدخل مدارس اشمعنى احنا يعنى ؟
دى مش مشكلة كبيرة , يعنى طالما دخلنا المدرسة و احنا مش عارفيين ليه طب يفهمونا بعد كده , يقولنا , مش يسيبونا كده و خلاص

اى نظام تعليمى ناجح بيكون اعتماده بنسبه كبيره على المراحل الاولى اى التعليم الابتدائى و الحضانه و ما قبلهم من تعاليم يجب ان يعلمها الاباء للابناء
نسأل نفسنا بقا سؤال ; احنا فين من ده كله !!!!
الاجابه معروفة طبعا
طبعاً كل ده مش ذنب الطلاب , هما لم يخطيئوا فى شيئ لكن نتيجه خطأ الاخريين سياتى يوماً و يقوم الطلاب بارتكاب نفس الاخطاء لجيل اخر

.
قولت فى البدايه انى هحاول اقدم حلول , على قدى طبعا

اولا لازم نرجع الكتاتيب من تانى و مش فى القرى بس لأ فى المدن كمان
مش شرط تكون بنفس الشكل اكيد التطور هيأثر بس الاهم انها تكون بنفس المضمون
مش عاوزيين حاجه اسمها حضانه , ده من خلال خبرتى المتواضعه فى مجال الحضانه و انى مريت على حوالى 4 او 5 حضانات مختلفه فى زمن قصير و كانت اطول كده قعدتها فى حضانه واحده هى شهر و بعض الشهر

المهم , هما الحمد لله قاموا بالواجب و خلوا الابتدائى ست سنين كفايه , حلو اوى
بس يعدلوا المناهج اللى بيقدموها للطلاب مش اى حاجه و خلاص
طبعا بعد الطالب ما يقعد مثلا سنتين تلاته فى الكُتاب هياثر عليه و على سلوكياته
هيكون اتشكل شويه من جوا بس محتاج تدعيم اكتر
ده دور الابتدائى , دروس التربيه الاسلاميه مش ممكن تكون بالشكل اللى بنشوفه
مش ممكن تكون هامشيه ابدا , دى لازم تكون اساسيه و اساس لاجتياز اى مرحله
يبدأوا فى تعاليم الطلاب اساس دينهم , القيم و المبادئ اللى نتعامل بيها
متكانش الحصه مجرد ان المدرس يدخل يقرأ بعض الايات و الطلاب يرددون ورائه و هم لا يعلمون ما يقولون و لابد ان يحفظوا حتى لا تنالهم عصا الاستاذ فى الحصه القادمه

و طبعا الاهتمام بالمواد الباقيه مثل تعلم اساسيات الحساب و اللغه و قليلا من مبادئ العلوم الملموسه فى واقعنا

و للحديث بقية
ابقوا معنا